Pashmina lyrics – Amit Trivedi

Pashmina Dhaagon Ke Sang
Koi Aaj Bune Khwaab Aise Kaise
Waadi Me Goonje Kahin
Naye Saaz Yeh Rabaab Aise Kaise

Pashmina Dhaagon Ke Sang

Kaliyon Ne Badle Abhi
Yeh Mizaaj Ehsaas Aise Kaise
Palkon Ne Khole Abhi
Naye Raaz Jazbaat Aise Kaise

Pashmina Dhaagon Ke Sang
Koi Aaj Bune Khwaab Aise Kaise

Kacchi Hawa, Kaccha Dhuaan Ghul Raha
Kaccha Sa Dil Lamhe Naye Chun Raha
Kacchi Si Dhoop, Kacchi Dagar Phisal Rahi
Koi Khada Chupke Se Keh Raha

Main Saaya Banu, Tere Peechhe Chalu
Chalta Rahoon..

Pashmina Dhaagon Ke Sang
Koi Aaj Bune Khwaab Aise Kaise

Shabnam Ke Do Katre Yun Hi Tehel Rahe
Shaakhon Pe Woh Moti Se Khil Rahe
Befikr Se Ek Dooje Me Ghul Rahe
Jab Ho Juda, Khayaalon Me Mil Rahe

Khayaalon Me Yun Yeh Guftgoo
Chalti Rahe..

Waadi Me Goonje Kahin
Naye Saaz Yeh Rabaab Aise Kaise

Aise Kaise…