Betaab Dil Ki Tamanna Yahi Hai lyrics – Hanste Zakhm

Betaab Dil Ki Tamanna Yahi Hai –(2)
Tumhe Chaahenge, Tumhe Poojenge
Tumhe Apna Khuda Banayenge

Betaab Dil Ki Tamanna Yahi Hai

Soone-Soone Khwaabon Me
Jab Tak Tum Na Aaye The
Khushiyan Thi Sab Auron Ki
Gham Bhi Saare Paraaye The

Apne Se Bhi Chhupaayi Thi
Dhadkan Apne Seene Ki
Humko Jeena Padta Tha
Khwaahish Kab Thi Jeene Ki

Ab Jo Aa Ke Tumne
Hamein Jeena Sikha Diya Hai
Chalo Duniya Nayi Basayenge

Betaab Dil Ki Tamanna Yahi Hai

Bheegi-Bheegi Palkon Par
Sapne Kitne Sajaaye Hain
Dil Me Jitna Andhera Tha
Utne Ujaale Aaye Hain

Tum Bhi Humko Jagaana Na
Baahon Me Jo So Jaayein
Jaise Khushboo Phoolon Me
Tum Me Yun Hi Kho Jaayein

Pal Bhar Kisi Jalan Me
Kabhi Toote Na Saath Apna
Tumhe Aise Gale Lagayenge

Betaab Dil Ki Tamanna Yahi Hai

Vaade Bhi Hain, Kasmein Bhi
Beeta Waqt Ishaaron Ka
Kaise-Kaise Armaan Hain
Mela Jaise Bahaaron Ka

Saara Gulshan De Daala
Kaliyan Aur Khilao Na
Hanste-Hanste Ro Dein Hum
Itna Bhi Toh Hansaao Na

Dil Me Tumhi Base Ho
Raha Aanchal, Woh Bhar Chuka Hai
Kahan Itni Khushi Chhupayenge

Betaab Dil Ki Tamanna Yahi Hai
Tumhe Chaahenge, Tumhe Poojenge
Tumhe Apna Khuda Banayenge

Betaab Dil Ki Tamanna Yahi Hai