Ghar Se Nikalte Hi lyrics – Papa Kahte Hain

[Ghar Se Nikalte Hi
Kuchh Door Chalte Hi
Raste Me Hai Uska Ghar

Kal Subah Dekha Toh
Baal Banaati Woh
Khidki Me Aayi Nazar] –(2)

Ghar Se Nikalte Hi

Maasoom Chehra, Neechi Nigaahein
Bholi Si Ladki, Bholi Adaayein
Na Apsara Hai, Na Woh Pari Hai
Lekin Yeh Uski Jadoogari Hai

Deewana Kar De Woh
Ek Rang Bhar De Woh
Sharma Ke Dekhe Jidhar

Ghar Se Nikalte Hi
Kuchh Door Chalte Hi
Raste Me Hai Uska Ghar

Karta Hoon Uske Ghar Ke Main Phere
Hansne Lage Hain Ab Dost Mere
Sach Keh Raha Hoon, Uski Kasam Hai
Main Phir Bhi Khush Hoon, Bas Ek Gham Hai

Jisey Pyar Karta Hoon
Main Jispe Marta Hoon
Usko Nahi Hai Khabar

Ghar Se Nikalte Hi
Kuchh Door Chalte Hi
Raste Me Hai Uska Ghar

Ladki Hai Jaise Koi Paheli
Kal Jo Mili Mujhko Uski Saheli
Maine Kaha, Usko Ja Ke Yeh Kehna
Acchha Nahi Hai Yun Door Rehna

Kal Shaam Nikle Woh
Ghar Se Tehelne Ko
Milna Jo Chaahe Agar

Ghar Se Nikalte Hi
Kuchh Door Chalte Hi
Raste Me Hai Uska Ghar

Kal Subah Dekha Toh
Baal Banaati Woh
Khidki Me Aayi Nazar