Tere Bin lyrics – Dil Toh Baccha Hai Ji

[Tere Bin Main Dekhu Na Subah
Nigaahon Se Abhi Yeh Vaada Kar Liya
Tere Bin Ho Chalna Bhi Saza
Ke Raahon Se Abhi
Yeh Vaada Kar Liya] –(2)

Suno Yahi Jazbaat Hain Mere
Yeh Dil Kahe Ke Khwaahishein
Jeene Ki Saath Hain Tere

Tere Bin Ho Saanson Se Juda
Hawaaon Se Abhi Yeh Vaada Kar Liya
Tere Bin Main Dekhu Na Subah
Nigaahon Se Abhi Yeh Vaada Kar Liya

Tu Woh Zameen Jispe Maine Toh
Apni Yeh Duniya Basaayi Hai
Main Bin Tere Ab Kahan Jaaunga

Tu Aasra Hai Mera
Main Toh Jeeta Hoon Tere Bharose Pe
Main Bin Tere Ab Na Jee Paaunga

Meri Toh Yeh Har Baat Tujhse Hai
Tu Hi Meri Hai Dhoop Aur
Meri Barsaat Tujhse Hai

Tere Bin Na Barse Yeh Ghata
Ghataaon Se Abhi Yeh Vaada Kar Liya
Tere Bin Main Dekhu Na Subah
Nigaahon Se Abhi Yeh Vaada Kar Liya

Jo Haath Me Ho Tera Haath
Toh Yeh Lakeerein Dhadakti Hain
Tu Ho Juda, Sab Thama Sa Lage

Jo Tu Mere Paas Hai Toh
Yakeen Apne Hone Pe Hota Hai
Tu Ho Juda, Sab Guma Sa Lage

Haan, Tu Meri Aadat Me Shaamil Hai
Mere Liye, Main Sach Kahu
Tu Ibaadat Ke Kaabil Hai

Tere Bin Na Poori Ho Duaa
Duaaon Se Abhi Yeh Vaada Kar Liya
Tere Bin Main Dekhu Na Subah
Nigaahon Se Abhi Yeh Vaada Kar Liya