Yaaram lyrics – Ek Thi Daayan

Hum Cheez Hain Bade Kaam Ki, Yaaram
Hamein Kaam Pe Rakh Lo Kabhi, Yaaram

Hum Cheez Hain Bade Kaam Ki, Yaaram

Sooraj Se Pehle Jagaayenge
Aur Akhbaar Ki Sab Surkhiyan
Hum Gungunaayenge

Pesh Karenge Garm Chai Phir Bhi
Koi Khabar Aayi Na Pasand Toh
End Badal Denge

Munh Khuli Jamhaayi Par
Hum Bajaayein Chutkiyan
Dhoop Na Tumko Lage
Khol Denge Chhatriyan

Peechhe Peechhe Din Bhar
Ghar-Daftar Me Le Ke Chalenge Hum

Tumhari Filein, Tumhari Diary
Gaadi Ki Chaabiyan, Tumhari Ainakein
Tumhara Laptop, Tumhari Cap, Phone

[Aur Apna Dil, Kunwaara Dil
Pyar Me Haara Bechaara Dil] –(2)

Yeh Kehne Me Kuchh Risk Hai, Yaaram
Naaraaz Na Ho, Ishq Hai, Yaaram

Raat, Savere, Shaam Ya Dopahari
Band Aankhon Me Le Ke Tumhe
Oongha Karenge Hum

Takiye-Chaadar Mehke Rehte Hain
Jo Tum Gaye, Tumhari Khushboo
Soongha Karenge Hum

Zulf Me Phansi Hui Khol Denge Baaliyan
Kaan Khinch Jaaye Agar
Kha Lein Meethi Gaaliyan

Chunte Chalein Pairon Ke Nishaan
Ke Un Par Aur Na Paaon Pade

Tumhari Dhadkanein, Tumhara Dil Sune
Tumhari Saans Me Lagi Kapkapi
Haan, Gajre Bunein Juhi-Mogra

Toh Kabhi Dil, Hamaara Dil
Pyar Me Haara Bechaara Dil
Hamaara Dil, Hamaara Dil
Pyar Me Haara Bechaara Dil